قصيدتي بين القصايد يتيمه
عنوانها للحب حاكم وخدام
وأنا من ألي يكسبون الغنيمه
مادام بنت الشوق منتوقة القام
عشرين عام وحالتي مستديمه
والحب يخضع للمشاعر والأحكام
حبه بقلبي جعل ربي يديمه
وأعايشه في واقعي قبل الأحلام
ياشوق ياحلو الليال القديمه
يوم أرتبطنا بالمشاعر من أعوام
أول قصيده قلتها له عديمه
خذني غلا وآخذك من ضيم الأيام
الله يااااا هي في حياتي عظيمه
فيهاكتبت الشعر بحساس وإلهام
كتبتها يوم المشاعر سليمه
من قبل مانسمع لعاذل ونمام
واليوم صرنا في عذاب وظليمه
نعيش بين إذلال وإبعاد وإحرام
ياضيم شك يلوح في شكل غيمه
مابين ضحك وبين عظات الإبهام
أحيانا" الحاله تجيه وتضيمه
وأحيانا" الصدفه تقول أنت منضام
بس المحبه ماتوصف جريمه
أحبها والحب في شرع الإسلام
صح الله لسنك
ردحذفالله يعطيك العافية
شكرا لحضورك وصح الله بدنك
ردحذفاسعدني مرورك الكريم