ياهيه ياللي ترسلون المناديب ....

ياهيه ياللي ترسلون المناديب
دوني ودونك ماتخيل السحايب


وش عاد تبغى بالرجا والمطاليب
ونفوسنا من ما نحسه تعايب


لوكان يكتب بالسوالف تراحيب
أفعال تبقى بين مخطي وصايب


بين اليقين وبين من يطردالريب
راحت بأحاسيس النشاما عجايب


صحيح في صدورالنشاما دواليب
وأحصونها ماسرجرح القرايب


يلدني عن ماطرا فعلة الطيب
لكن من يفهم أصول النسايب


ولاهيب دايم ردت الفعل بتصيب
ولابد ماتشفا الجروح العطايب


لكن يبغى الوضع حكمه وترتيب
وعقول ماتبلش بوقت الطلايب


نبي نعدلها قبل تاصل العيب
نبي نجيها مع جميع السبايب


وإن كان مافادت علوم المواجيب
ماني على ربعي مدور كسايب


لابد مالقا بالنشاما معازيب
قبل يفوت الفوت ويقال شايب

ياللي على بالي ....!

مدخل:

ماقدرت أمسك شعوري واستريح

.............ويل من يكتم شعوره واعناه

الغلا في داخلي وده يصيح

..............يزهم ألي مالكاً قلبي غلاه

ياللي على بالي ترى ضاق بالي

مادام حبل الوصل عني قطعتيه

والله مافارقت لحظه خيالي

تستاهلين القلب ياللي خذيتيه

يانور عيني ياحياتي وآمالي

ماترحمين أللي يخايلك ويتيه

هذي إدموعي من فراقك هيالي

وش حيلتي غيراندب الحظ وابكيه

يانور عيني ويش بعدك جرالي

احتاجلك وابغى رعايه وتوجيه

أصفق عليك يمين كفي شمالي

من غيرتن في داخل القلب تكويه

لـــي غيرتن تهز كل الجبالــي

لولاي أخاف من العتب والمشاريه

يانور عيني مد حبل الوصالي

ترى عذاب البعد ماني بقاويه

المخرج :

في سماك جوي الهادي غدا يسأل عليك

يحتريك قلبي العاشق يبي همسة رضاك

علميني ليش ودي اترك العالم واجيك

ياحياتي والله الدنياااا فلا تسوى بلاك

عطيني من الروح مايشبع الروح

عطيني من الروح مايشبع الروح
مادام روحي من فراقك تروحي


لا تحسبن النوح لمجرد النــوح
أنا على فرقاك يزداد نوحي


وإن قيل خالد من سبايبك مجروح
فعرف ترا بعدك عظيم الجروحي


في داخلي ينتابني شوق واطموح
وأنت الوحيد ألي يعانق طموحي


أعيش صبري واكسرالحزن وابوح
واسوق لسماعك عذابي وابوحي


يانور عيني جالك الصوت مبحوح
يشكي عليك وينشدك وين روحي


الخط كان إنك تشيمت مفتوح
جاوب ترى صبري بدا إنه يطوحي


والا تراني فالمواجيب زحزوح
للعند قاسي وللسماحه سموحي


ماعيش وقتي في كوابيس وشبوح
أنا من ألي يكسبون المدوحي


الله خلقني قاسي الباس دحدوح
ولا همني ذيب الخلا والنبوحي

عز الله إنك جبتها جيبة إحصان...

رميك يابن مفلح طرح كل نيشان

بالبندق ألي عند أهلها ثمينه



عزالله إنك جبتها جيبة إحصان

صوبتــها بقلوب ناس دفينه



يامرحبا ترحيبة الرش ودان

ألي سقا ذيك الفياضي بحينه



الناس بين إحساس وأصناف وجدان

وكلا" على عــرفه ينفض يدينه



أحدن رقا بالطيب في كل ميدان

وأحدن مع العربان نفسه مهينه



وأنته من ألي يرفع الراس لابان

رجلا" تسـاوي في عيوني مدينه



دربك خضر من حيث مارحت يافلان

وأحذر من المخلـوق لاتستهينه



دنياك شبعانه من أشكال وألوان

مير إنتبه واختار كبشك سمينه



لا تضرب الدنيا على غير ميزان

وأختر إحبالك من إحبالا" متينه



دنياك من دينك ولو كان ماكان

ما يغني الـرجال ياكود دينه



والهرج مايصلح على غير برهان

وكلا" على ماقيل فعله يدينه

قصيدتي بين القصايد يتيمه...

قصيدتي بين القصايد يتيمه

عنوانها للحب حاكم وخدام

وأنا من ألي يكسبون الغنيمه

مادام بنت الشوق منتوقة القام

عشرين عام وحالتي مستديمه

والحب يخضع للمشاعر والأحكام

حبه بقلبي جعل ربي يديمه

وأعايشه في واقعي قبل الأحلام

ياشوق ياحلو الليال القديمه

يوم أرتبطنا بالمشاعر من أعوام

أول قصيده قلتها له عديمه

خذني غلا وآخذك من ضيم الأيام

الله يااااا هي في حياتي عظيمه

فيهاكتبت الشعر بحساس وإلهام

كتبتها يوم المشاعر سليمه

من قبل مانسمع لعاذل ونمام

واليوم صرنا في عذاب وظليمه

نعيش بين إذلال وإبعاد وإحرام

ياضيم شك يلوح في شكل غيمه

مابين ضحك وبين عظات الإبهام

أحيانا" الحاله تجيه وتضيمه

وأحيانا" الصدفه تقول أنت منضام

بس المحبه ماتوصف جريمه

أحبها والحب في شرع الإسلام

المكان ألي سكنا سوابه.

جيت المكان ألي سكنا سوابه
.....................وألي جلسنا وحدنا نهتني فيه
في ليلتن كل النجوم تشابه
.....................وأنتي قمرها يابعد كل غاليه
ذاك المكان ألي تزايد رحابه
.....................من فرحتي قمت آخذ الورد وارميه
ياليلتن بنغامها كالربابه
.....................وألحانها على شفاياك تحليه
في ليلتن تنسي صويبن صوابه
.....................ويحيا بها منهو غديتي معاليه
فيها أحسي إني ملكت اللبابه
.....................وفيها أحس إنك ضما الشوق ترويه
وفيها قريت أحبار عينك سكابه
.....................تشكي ألم لفراقنا كيف نقويه
الله ياريقن طعمنا شرابه
.....................والعمر دونك كيف ابعيش واقضيه
هاك المكان ألي تمنيت بابه
.....................متى على الله أدخله وآجدك فيه
أبيك مابي وحدتي والكآبه
.....................يالي بطول اليوم فكري يحاتيه
قلبي وفكري بس حبك سرابه
.....................وحدك ولاغيرك يوده ويغليه

قلبي مع ألي غايبه ...!

جالس وعندي ناس ولاني مع الناس
ابغى اتونس مير مامن وناســـه

*******

قلبي مع ألي غايبه صار حساس
يعني تعبت بدونها في سلاسه

*******

هي الحلا والنور هي درة ألماس
ياليت راسي عانق اليوم راسه

*******

ياناس مابغى ناس وعلوم نوماس
محتاج ريح الروح بأعذب إنفاسه

*******

ياشوق تكفا طالبك حكم الراس
الوضع ماهو وضع فكر وسياسه

*******

ابغاك دون ألي معي بس جلاس
أنت الوحيدألي طربني حساسه

*******

ياويل حالي كيف ماصابني ياس
والمستحيل يخلي الراس طاسه

*******

عنيدفي حبي وفي راسي الباس
مهمايكون الوضع يبغى دراسه

*******

احبها والحب في ذمتي ساس
كل إهتماماتي وغاية حماسه

*******

يامامشت رجلي كما رجل عساس
مع جرته قلبي وروحي إعساسه

*******

شربت من عذب الهوى شربةالكاس
الله واكبر كيف ماحلاك كاسه

الله لوعيني تزورك دقيقه...!

ااالله لو عيني تزورك دقيقه
حتى تطمني ويركد خيالي

يانورعيني شب صدري حريقه
عليك مشغولا" من اليوم بالي

مادري تحس بشوق وألابضيقه
والا يانور العين داله وسالي

أنا الذي روحي عليكم غريقه
ياشينها الدنيا بلا شوف غالي

آلام بعدك في خفوقي عميقه
ياويل حااااالي فرقتنا الليالي

أنا الذي محروم من طعم ريقــه
واصفق على اليمنى بكف الشمالي

يااااارب نور نور عيني طريقه
وإنك تصبرني ياربي ياوالــي

يا كياني ....!

... ياكياني ...
وين حلمي بالسنين؟
ليه كل أوراقنا تكتب ألم؟
والألم حبره أنين!
والأنين ألي مرافقني سنين!
... ياكياني ...
ياعسى مره أحس بفرحتي
وفرحتي ماتجي إلا على صدر الحنان...
والحنان إنخطف مني وراح....
راح ............
راح ...........
ورااااح بأحلامي معه
ولا بقالي أي شي
دام شوق الروح راح
آآه من هم الجراح!
راح .......
راح .......
وأنت حاظر ياكياني!
كيف خليته يروح؟
وتقتل الحلم الكبير
آه من مر المصير
...ياكياني ....
والله إنك منت شي
دام راح ألي تبيه
ومن تبيه ماهقيت إنه يعود
ولو يعود ماهقيت إنه كياني!
دامني أسأل عليه
واشتريه
ولاهتنيه
... ياكياني ...
ماهي أحلام وأماني
عشقي أصدق من أحاسيس القصيده
والقصيدة هي مشاعرها الوحيدة
والمحبه مايفرقها عتاب
ولا غياب
لا تخلا ...ياكياني دامها بس الوحيده
ألي أكتبها قصيده...!

لاجيت للرجال وابطا يمانيك:

لاجيت للرجال وابطا يمانيك

مالك ومال ألي يماني كلامه

بالهرج ميقافه وفعله يخليك
لاتحتري قله وداع و سلامه

ولوضقت ماجالك علشان يرضيك
لأنه مايـدري ويش معنا الكــرامه

والحاجه ألي للمقــاريد ترميـك
مكسبك منـهم مـحتواه الندامـه

حذراك لاتنصا المقاريد تعميك
ماعندهم غير الفلس والرخامه

يبي يحدونك لــفركة اياديــك
واهروجهم ترجع عليك إنهزامه

بالهرج حطوا فيك لوكان مافيك
ثرثارة المجلس فروخ النعامه

في كل مجلس يشذبونك بطاريك
سـود الوجيه إعقــولهم للـسقامه

لوتنصح الجاهل بلش كل خافيك
مايقنع الناصح وياصل مـرامه

مثل ماقالوا يوم خابت هقاويك
كنك من الممشا بجرف لعدامه

عليك بألي لاقسا الوقت يشفيك
من حيث ما وجه ادروبه شهامه

وعليك بأللي لانصيته يحييك
مواقـفه بالفعل وقفة زعــامه

وكثر التجارب يالمجرب تنبيك
خذلك من أحوال التجارب علامه

دور مابين الناس فزاع يغنيك
يكفيك بعد الله حين إنزهــامه

بعض الرجال برزته كنه البيك
وجهن كريم ووجه كنه عسامه

وبعض الرجال نشبهه كنه الشيك
يقضي اللزوم وعالي" باحترامه

منهم ابونايف لجرحك يداويك
يكفيــك بعد الله حمل الجهامــه

يابن ثواب الله يجيرك ويحميك
والقصد من طاريك شكروسلامه

انت وينك ....؟

أنت وينك من صباح الله وأنا دقدق عليك
مشتهيك ومشتريك وميتن بالشوق فيك

كل مافيني حواس تطير وتأخذني إليك
وكل حاسه ياهوى بالي تذوب وتشتهيك

يعني وحدك من أبيه وآه ابيك وبس ابيك
وألا غيرك مايســاوي صفعتين من يديــك

بعض الطواري يالمحنك خطيره

بعض الطواري يالمحنك خطـيره
مير أمسك المجنون بعقال واخطام

توك على شكوى اللهب والسعيره
دامك غني النفس صنديد مقدام

حذراك من بقعا وبقعا حسيره
مادام في خبزتك غطيت بيدام

لاتنقرد وتروح كبدك مريره
ماينفع المكسور ساقه لياقام

ولولا المعزه ماعطيتك مشيره
مير إنتبه من زلت الرجل قدام

سبحان من حط الخفير ومديره
أرزاق وألا الناس طماع وإخصام

ابـوك مـره وافهمه واستـشيره
وإخذ تجاريبه على صدرك أوسام

المرجله فالرجل نور ووقيره
وألا الردي حتيش يظلم وينظام

هذي نصيحه وأنت راعي بصيره
اللـه يجنبنا صواديف الأيــام

ياحزن لاتجمع غصونك وترقا

يالحزن لااااتجمع غصونك وترقا
وتنثر ورق همك بروح(ن)جريحه
.....
وش ينفعك لو تحرق الروح حرقا
مانته بكاسب من فعولك مديحه
.....
لاصارمكتوب(ن)على الشوق فرقا
ماضنتي دنياااااااك هذي مريحه
.....
أأأأأأتعبتني وأغرقتني فيك غرقا
أشتااااقله وأحتاج لو بس ريحه
.....
سرقتني من دنيت الترف سرقا
وخليتني في حر يجرح لفيحه
.....
يااااويل قلبي طاح في حب طرقا
مزيونتن في كل شي(ن) مليحه
.....
من شااااانها كل القوانين خرقا
ماااااااهمني مترديه والنطيحه
.....
ماااغير اداري فرصة الوقت درقا
و كان روحي في غلاها سبيحه
.....
بيني وبينه بعد غرب(ن) وشرقا
الله من كاااان السبب لا يبيحه
.....
يفدااااااه نورالعين بيضاء وزرقا
ويفداه روحن في هواها طريحه
.....
وأيضا بعد يفداااه حمراء وبرقا
وألي تقول إترك غلاها نصيحه
.....
الله هو ألي حط في الخلق فرقا
وألي ينافسها يااااويحه ياويحه
.....
تعرق بنات الكون بالعين عرقا
لاطالعت فيهن يجيهن شفيحه
.....
ماااتسمع إلا شفشفتهن وقرقا
أشكاااالنا راحت علينا فضيحه
.....
يالايمين القلب في حب طرقا
عليه قلبي ذاب من زين ريحه
.....

يا ليت .....!

ياليت من ساق القدم للدعاجين
ألي على ماقيل ناس(ن)دواهي

ياعنك ماجاهم يبي سدت الدين

وألا يبي يطلب يقومون جاهي

لاشك يبغى للمطالب براهين

يقولها من عقب دله وشاهي

يبغى نسابة محتمين المخلين
من شان يقعد بالنشاما يباهي

لانه أخذ بنت الرجال المسمين
ألي لهم فالمجد دور(ن)يضاهي

وابختصرها في بطون الديارين
مادام راسي فيه شاوي وطاهي

إخترتهـم دام الـوفـا للـوفـيـن
ولاني وانا خالد بضايع وفاهي

أعرف أوجهها مع العسر واللين
وأنا أحمدالله مـايخيب إتجاهــي

وإن ماحصلي مابغيته فدا العين
ما دامت الدنيا متاع ومــلاهي

ولياحصلي قلت زين(ن)على زين
خليت جــدي مايجيـه إشتبــاهي

يا طير

ياطير أنا والله ماني بوياك
دور على من هو يحبك ويغليك

.....
خايف عليك أحزان قلبي تولاك
وأتصير لحزاني موالي واواليك

.....
ياطير من صانك وشالك ورباك
وراك تترك من تعنا يربيك

.....
والله مادري بية أسماه سماك
لكن بسم(رعاد)ودي أسميك

.....
ياطير ياجعل المناعير تفداك
جابك لي المولى ولاني بشاريك

.....
ودي أصونك واعتني فيك وارعاك
لكن خوفي يوم تنسى مراعيك

.....
وإن جيت افكك قلت لاحول وش جاك
وتحلف يمين الله ماطلع و خليك

.....
ياطير سامحني إذا حل فرقاك
لاصرت مغصوب" على فراق طاريك

.....
ياطير قد جربت مثلك وشرواك
ماشفت من مثلك بزوله يحليك

.....
مثلك حرام يكون في قيد واشباك
ياحيرتي وشلون ابرعاك وأرضيك

.....
وأنا الذي مثلك بحاجه فديناك
لله شكوانا إلهي وباريك

.....
واختامها ياطير طابت مساياك
أنا رعيتك وأنت راعي محاكيك

.....

انتظرتك....؟

انتظرتك

في سنيني ألي عدت

ويش جابت ويش ودت

انتظرتك

وكنت يائس من رجوعك

كنت خايف من دموعك

كنت متعب

كنت تصعب

ويوم أنا فجأه وجدتك

وأنت في حزنك تعيش

قلت ليش

ليش يائس من لقانا

ليش نتعب في هوانا

آه ثم فجأه فقدتك

وجيتك أسأل

قلتلي غصبا" علينا

هذا ماهو في يدينا

والسبب عين الحسود

آآآآه من عين الحقود

ثم نشدتك

أنت تبيني؟

مااااتبيني؟

علميني؟

ثم بكت عينك ولدت

وشافت ادموعي وهدت

وقلت:آه

أمسحي دمعك خلاص

مانحكمنا في قصاص

ابنتظر

لوأنقهر

كثر ماالأيام عدت

كثرماباحت وسدت

وانسى التعب

وآطى الصعب

لجلك أعيش الحياه

منطق القلب وفاه

انتظرتك والتعب كله وراي

دامك أنتي

وحشة القلب وغلاي

واعرفيني منتظر حلم الرجوع

لوتزيد آلام قلبي والدموع

انت القدر

واناانتظر...

أنت وينك

أنت وينك ؟:

ياكثر ماسأل عليك:
وياكثر ماشتاق إليك:

وإن لقيتك:
آآآه لقيتك:

تسأل بنفس السؤال:
أنت وينك ؟:

ياكثر ماسأل عليك:
وياكثرماشتاق إليك:

والجواب متشابه" بشفاهنا:
موجود لكن وسط عينك:

بس الجسد عن الجسد بعيد:
واشواقنا في قلوبنا تزيد:

أنت وينك ؟:

وش بقالي غير طيفك عايشه:
والمشاعر في جنون وطايشه:

أنت وينك ؟:

لا تجاوبني لقيتك:
جيتك مغامر نصيتك:

ابخطفك واباخذك:
وابسألك واعاتبك:

بس هالمره سؤالي:

ماهو وينك:
إفتح عينك:

شبيك لبيك:
أنا كلي بين يديك:

وأنت في حضني تنام:

ولا سؤال ولا كلام:

آآآه وينك ؟:

( بس وينك ) ؟:

( ب س س س س س س و و و و و و و و و ي ن ك )؟

يابو بنــــدر

انباح سدي يا بو بندر ومليت
والصبرطال وبيح الصبرسدي
......
الحظ مايل وانتظرت وتماديت
االله يخلف كل جهدي وكدي
......
وااليوم ياغازي تعبت وتوذيت
واعلنت عن باب المتاعيس صدي
......
تعال ابشرحلك من الكيت للكيت
تعال أنا ابعطيك همي وجدي
......
خلاص من طرد المقفين صديت
وبينت كرهي وإنتهى اليوم ودي
......
عدلت ماتقوى به النفس وازريت
لقيت كل اسلوب ينعاد ضدي
......
وانا كثر ماراح من عمري أوفيت
لكن مااااحد شايف عطايه ومدي
......
ولاعاد ينفع قولة أخطيت واقديت
ابني وغيري يااااا بوبندر يهدي
......
أخذت من هم الليالي وخليت
والناقصه أشوم عنها وعدي
......
ولحدن تحداني ياغازي تحديت
يشوش راسي للبطر والتحدي
......
أبوي علمني على الطيب والصيت
وانا على دربه طريقي يودي

......

يا زياد ناد أخوك

يا زياد ناد إخوك ودي أوصيه
وصيتن تحفظ مثل مال في بنك
........
ثوبن ماهو ثوبك على ويش تبغيه
لو كان بوصافه وزينه يفتنك
........

قيس مقاسك وأشترألي يغطيه
ومن غير ربك لا تدور مزابنك
........
والجار له حقن ولو ضاق ترضيه
لو كان جارك سيئن ما يواطنك
........
ماكل من جالك يبي منك تعطيه
ولا كل من تعطيه جالك يبي منك
........
كم واحدن لو تنفعه تبتلش فيه
علم الردا لامن هرج ينقله عنك
........
وكم واحدن لو صد ترجع وتشريه
وكم واحدن لا صد صده يأمنك
........
وأحذر ريالن بالربا رحت تجنيه
مال الحرام يجوعك مايسمنك
........
واحذر لسانك لابغا الهرج يبديه
ثمن قبل ينطق لسانك معادنك
........
ومن لايخاف الله حذرا تباريه
لا بد ما تغدر يدينه ويطعنك
........
والناس لو تتبع مزاجاتها إتيه
كل يرى نفسه خبيرا" يلقنك
........
ومن لا قتدى بالحق محدن يقديه
ومن يجهلك لا تحتريله يثمنك
........
كم واحدن لاحال دونه مشاريه
مرات يدعيلك ومرات يلعنك
........
وترى الفتى يحتاج حكمه وتوجيه
وألي تدينه فاعرف إنه يداينك
........
والقرصه الأولى وانا بوك تنبيه
والثانيه لا تحتريها تمكنك
........
أصدق مع الصادق بصدقك وحاكيه
ودرب المراوغ لايجي في تفننك
........
هذا ألذي يا ذخر جدي مراجيه
وأخوك حطه وانتبهله على أيمنك

........

إن ضاقت الدنيا

إن ضاقت الدنيا عليك وعليه:

ندعي عسا ربي يعجل فرجها:



لابد ماندرس بقايا القضيه:

ونعلم العوجا تعدل عوجها:



ماهيب دايم بين ذيه وذيه:

في كل ليله ماتقنع إحججها:



أما حياتن مابها عنصريه:

وألا تخير لك حياه إنتهجها:



ياما وياما قمت أوصي وصيه:

والسالفه طالت وطول زعجها:



وألي يشوفك في عيونه شويه:

الأرض ماضاقت علينا إفججها:



وألي حياته بالخطا سرمديه:

يبني حياتن عزهافي وهجها:



إترك حياة المرمطه والأذيه:

مادام بيدينه حياته عفجها:



دنياك ماهي من بختها خليه:

ومن دور الحاجه يلاقي غنجها:



ولاكل نفسن من فرحهاضميه:

لابد تشرب عذبها عن همجها:



راحت مطيه وأخلفتها مطيه:

وتعود الكلمه على من هرجها:



ولاني بملحقها خطاها جزيه:

لو كان كاثرتن علينا لججها::

إسأل بقايا الليل

إسأل بقايا الليل وش صار فيني:

من يوم ماقفيت عني وصديت:



اجررررر صوتي وأتمنى تجيني:

وتشوف فيني يالغلا ويش سويت:



قومي تعالي واحذري تتركيني:

من دونك الدنيا عذاااب وكوابيت:



حبك سكني يااااالغلا من سنيني:

وابحتفظ به لو بعد قيل لك ميت:



يالله من شر العيون تهديني:

ويالله تهدي من له الصوت ناديت:



حسبي على من حال بينه وبيني:

عليك رب الكون وحدك تشكيت:

احدن ليا شفته تحسه يريحك:

وأحدن ليا شفته يعكر مزاجك:



وألي يفكر لاهرج بس يجرحك:

لاتحرق أعصابك ودور خراجك:



ألي يدور فيك من شان يفضحك:

إحذر لو إنه قال قصدي علاجك:



كم واحدن مقسوم قربه يمالحك:

يضحكلك بسنه وقصده إزعاجك:



خف من قريبك لوبهرجه يمازحك:

إعلن على كل القرايب هجاجك:



إن ضاق والا بالرضا جا يصافحك:

حذراك لاتحتاج من لا حتاجك:



والا عدوك لوهو صدفه وينطحك:

تصد عنه ولاااايهمه مداجك:



لكن قريبك لويجيلك يسامحك:

مايقتنع لو يقتنع بحتجاجك:



إخذالحذر في جد والا تبجحك:

إحذرقريبك قبل يضحك حجاجك:



ماكل من جالك نصيحا" يناصحك:

ولا كل من عاداك دور سماجك:



قريبك إن أخطيت ماهوب دامحك:

لوما تعمدت الخطا بإنتهاجك:



بين المجالس لاهرج قام يشلحك:

مير انتبه واقبس فتيلة إسراجك:

مشغول بالي

ااالله لو عيني تزورك دقيقه

حتى تطمني ويركد خيالي

يانورعيني شب صدري حريقه

عليك مشغولا" من اليوم بالي

مادري تحس بشوق وألابضيقه

والا يانور العين داله وسالي

أنا الذي روحي عليكم غريقه

ياشينها الدنيا بلا شوف غالي

آلام بعدك في خفوقي عميقه

ياويل حااااالي فرقتنا الليالي

أناالذي محروم من طعم ريقه

واصفق على اليمنى بكف الشمالي

يااااارب نور نورعيني طريقه

وإنك تصبرني ياربي ياوالي

(عابر سبيل) ودنيتي شبهتها رحلة سفر:

أمشي شقا ياحيرتي واطرد من أحلامي سراب:

وأحاول اجمع رحلتي وادور لنفسي عذر:

ياحيرتي وش حيلتي غيرالقهر والإكتئاب:

سألت نفسي وش تبي؟قالت إذا عندك صبر:

إصبر ترى درب الهوى من يتبعه عاش العذاب:

قلت آآه وش فادالصبر مادام طاف إبناالعمر:

ولالقيت إلا التعب واعاتب الرحله عتاب:

أمشي وادور غايتي وألبدر من فوقي ممر:

يبقى بعيني نورها في داخل عيوني ماغاب:

سامحيني

(سامحيني مالقيت:

ألي بغيت:

ومن بغيته:

سكروا بيبان بيته:

وإن لقيته~

مابغيته~

دام حاطت به عيون~

اهل الظنون~

إعذريني الغلا كله جنون~

واعذريني ماعطيت ألي هويته

وإن عطيته~

ماجزيته~

المحبه في عطاها

ماتمل~

ولاتكل~

تذرف الدمعه على مر الفراق~

والفراق~

يحتوي كل العذاب~

والغياب~

كم شكيته~

كم بكيته~

اسمع بحلم التلاقي~

وانقهرفيني إشتياقي~

ثم قال:بنفعال~

ليه أناالمحروم~

ياعسى ماهوب دوم~

بعت عمري للغرام~

واشتريته~

ولانسيته~

تشتهيه الروح وأحلم إنا وحدنا:

في سعدنا~

لوهي ليله~

لا قليله~

ودي إن العمر كله وحدنا~

في سعدنا~

آه ليته~

واحتريته~

بس أحبه واعترفله إني عايش في حظوره في غيابه~

في خيالي مايغيب~

وإن بغيته~

مالقيته~

بس أحبه~

لوغيابه غصب عني

يازماني خذهامني

مانسيته~

واحتريته)~