يالمزون إلي على طخفه تنشت ...!

يالمزون ألي على طخفه تنشت
.............................و يدني حملك وزخــــي ببــرديـه
الحبــرديه على جــوك تمـــشت
.............................محتسينن بـــالشــحــم والشاذليه
الوجــيه من البطــا فرحت وبشت
.............................والنفوس الغاضــبه صارت زكـــيه
كل واحــد بشــر الثاني بـرشت
............................أمطرت يأهــل الوفا وأهل الحميه
أهل البـل خمــت العزبه وقـشت
............................خيمــوا والكـــل قــال النــار حيه
كل ذودن في مفال الخير عشت
............................وكل راعــي مطــربه حال الرعــيه
والغنم تلعب على الغربي وطشت
............................عقـب ماكانت تجمـع وسـط فيــًـه
الغيـوم إن كان جتـكم ثم كشت
.............................فاعلـموا دار الحسد ماســال نــيه
زين الله فالـكم كـاشت مكشتت
.............................يا ســلالة فالأصـــول ليعــربــيـه
كم يدينن من فعول الطيب حشت
............................المدايـــح والثـــنا في كل هــــًيه
روس قومن ما عن اللازم تخـشت
..............................إنشدوا عن فعلهم بالجـــاهليــه
يوم ناس في دخيل الوجه غشت
..............................أحتـــما مطلـق دخيله من ســبيه
ياكبودن طاشت الغـــله وفــشت
..............................يوم قدم شلــفتـه مطلـق هــــديه
يالجموع ألي علـى السفره تعشت
.............................سفــرتن شــالت وصوف الحاتميه
كم صحونن من فقارالحشو دشت
.............................حطــها عليـــثه فقــارا ً بالصينيه

ليه عينك ماتشوف إلا عطاها.....!

ليه عينك ماتشوف إلا عطاها...!
وإسأليها عن وفاها
وش وراها ... وش مداها
إسأليها ليه تبكي ..؟
ليه تشكي...؟
ليه ما تعرف غلاها ...وش عماها..
ليه الزمن عيا يطيع .... وجرحه فضيع ..
يأخذ بطئ ... ويعطي سريع ...
وانا الوديع...!
ليه البصاير غايبه ... والنفس ماهي طايبه
ليه السنين تمر ...والحلو فيها مر..؟
من غواها عن هواها ...
ليه نظراتي تدور لي بديل ..!
قبل الرحيل .....
ليه الوحيد ... ألي يحس ليا قرب انه بعيد
وين الجديد ؟
ابسألك ليه الفريد.....
إلي به الهاجس يزيد
حتى الجواب ...
بشفاهنا كله عتاب ...
مابي جواب ..!
يكفيني بالدنيا إغتراب ..
مابي جواب ..!
مكتوب لي رحلة عذاب ..
وابقتل احلام الآمل ...ولاجواب احروف السؤال
خلاص عزيت الضمير ......ألي إنقتل
خلاص يالحلم الكبير .....ضاع الأمل
إنسى الكلام ...
إلي حصل برد وسلام ...
ماهو كذا درب العزام ...!
انسى الكلام ...
ما دامت الدنيا ظلام ...
ليه الكلام..!
انسى الكلام ...
انسى الكلام ....

إسألتني كيف كونت القصيده ...!

إسألتني كيف كونت القصيده
قلت اوصف من عيوني تهتويها

يعني فكري فيك لحظاته جديده
وكل لحظه اندمج واسج فيها

انتي اللي عايشه فيني وحيده
ولايضم الفكر حاجه ما يبيها

إسألي عقلي وقلبي مع وريده
ودامها روحي معاكم إسأليها

وكان منتي يا هوي بالي سعيده
الرساله في جهازك وامسحيها

انت كلك شعر وافكاري تجيده
اكتبك والناس تشكرني عليها

يعني هذي كلها لحظه فريده
كيف تسأل عن قصيده تكتبيها

في سكونك خوف وعيونك جواب ..!

في سكونك خوف وعيونك جواب
................سلهمه ما ودها نبره وصوت

فيك شي يخاف من صوت العتاب
.............فيك هم احزان من صمتك يموت

فيك طيبة قلب مزروعه عذاب
...............فيك قسوة حظ واحلامك تفوت

بسألك يا كيف عايشت الغياب
................وأنت تملك قلب بالدنيا كموت

مايفرق في ذهابك والأياب
.............ولا يفرق بين صوتك والسكوت

المراحل خيرها عمر الشباب
..............ليه في عمرك من الشيخه دنوت

قوم علمني وش اسباب الجواب
...............ليه في عينك يبين بدون صوت

ما دامت الدنيا أمال...!

ما دامت الدنيا أمال ...

وتزاحم افكار الخيال ...

من حقي اسألها سؤال ....الحب له عندك حدود..؟

ليه انت حلمي بالحياة ...!

ليه انت من ودي رضاه...!

ليه انت من قلبي هواه ...!

ماكن غيرك في الوجود ....

ليه ارتبط فيك الأمل ...!
يعايشك ولا يمل ....

والحلم عيا يكتمل ...
اوعدك في بذل الجهود ....

ما غبت لو لحظة سلا ...
ياللي سكنتيني غلا ...

صحيح ما غيرك حلا ....
كل يوم في حبك ازود ...

يا أمالي ....
طاف عمري بأربعينه ماهنيته...

يا أمالي ....
ما هتنى قلبي بقلب ألي بغيته ...

يا أمالي ...
ما قدرت اعيش دون ألي هويته ...

يا زماني ... رجع ايامي ورا ...
وابتديلي من جديد ....

لو طرالك ما طرا ....
ودي اعيشك سعيد ...

يا زماني ... كيف اعيشك دونها ...

دامني مجنونها ...!

عيدني يا زماني .... هي امالي هي حناني

هي جنوني والإمال ...

ومحتوى كل الخيال ...

آه من طول الأمل ...
آه من طول الأمل ...

نصيحه إلى شاب ....!

بـعـض الـطــواري يالمـحـنـك خـطـيـره
..................مير أمسك المجنون بعقال واخطام

تـوك علـى شكـوى اللهب والسعيـره
..................دامـك غنـي النفـس صنديـد مـقـدام

حـــذراك مـــن بـقـعـا وبـقـعـا حـسـيـره
...............مــادام فــي خـبـزتـك غـطـيـت بـيــدام

لاتـنــقــرد وتـــــروح كــبـــدك مـــريـــره
...............مـايـنـفـع الـمـكـسـور ســاقــه لـيـاقــام

ولــــولا الـمـعــزه ماعـطـيـتـك مـشـيــره
................ميـر إنتـبـه مــن زلــت الـرجـل قــدام

سبـحـان مــن حــط الخفـيـر ومـديـره
...............أرزاق وألا الـنـاس طـمـاع وإخـصـام

ابـــــوك مـــــره وافـهــمــه واسـتـشـيــره
.................وإخذ تجاريبه علـى صـدرك أوسـام

الـمـرجـلــه فـالــرجــل نـــــور ووقــيـــره
................وألا الــردي حتـيـش يـظـلـم ويـنـظـام

هـذي نصيحـه وأنـت راعـي بصيـره
..............الله يـجـنـبــنــا صـــواديــــف الأيــــــــام

يا ضماي ....!

يا ضماي

ويا شقاي

ابسألك...؟

ابتعادك ...من عنادك

وألا دلع ...!

اشتياقي .....واحتراقي

عيب الولع ...

دنيا غريبه ...! وين الحبيبه

تبقى آمال معلقه ...
وافكار حلم محلقه ...

دنيا غريبه ...! ماهي قريبه

لقيتها بين النجوم ...
متخبيه خلف الغيوم ...

وتناجي الصوت وتقول ...
ما عاد في ضمك حلول ...

ابغترب ....

وارحل بعيد...
وادور الحظ السعيد ...

وابقترب ....يم الحزن

وابسأله ليه الوحيد ....ألي تعب منك وشكاك.؟

واستنفره قوة عطاك ...!

ليه الآسى ... ليه القسى ....

ليه السنين تمدلك كل العذاب ...
وانته تساومني على سن الشباب ...

ودي أعود ...
فك القيود ...
من شان اعيش ألي بقى ...

من غير آه ...!
وانساك يا درب الشقى ....

وانسى ضماه ...!

وتعود بسماتي و الأمل ...
من دون ما سأل وش حصل ...

ألي حصل كله جنون ...كله جنون

بس الأكيد إن العيون ...
تشكي العيون ...

والحب مرواس الحياة ...

وانا ضماه ...
وانا ضماه ......

روحي... فمان الله والعز..فالك
..............والله يصبرني على هم فرقاك

تكفين حطيني ياروحي ببالك॥
............لاضاق صدرك علميني وحياك

هذي وصيت من حياته فدالك॥
..............ألي بكا لجلك ومن أجله أبكاك

ترى الزمن بعدك شبيه متهالك॥
...............همن توطاني أشوفه توطاك

في سكت الفرقا تقطع وصالك॥
..............يافرحت العذال ذولا وذولاك

عزاه ياقلبن بحبه وفالك॥
............وألي على شوق الأماني تمناك

قفلت بابا منفتحلك وشالك॥
.........وش عاد ينفعني لوأصيح وانعاك

الله على ألي يالكبيره وشالك॥
....واقنعك بأني شخص ماستاهل رضاك

يابنت دام الراس عايش وسالك॥
............يحرم عليه طعنت الغدر بقفاك

روحي مادام العمركله حلالك॥
...........أما تجي وألا ترى العمر يفداك

ما حاشت العليا هل الجود بليّش...!

عشرين عام وصاحبي قايد الجيش
....................واليوم اشوفه مبتلش بالقياده

حتيش لو يطلع بجوله وتفتيش
......................المبتلش يقضي حياته نكاده

كم ناس ياناسٍ بناسٍ مباليش
.....................وكم قلب حاقد لو يبين وداده

وكم واحداً صابه من الفكر تشويش
......................وكم واحداً فكره يدلل ركاده

وكم رامياً يضغط على الزند وينيش
....................وكم رامياً مادلّ وجهت زناده

الله يصبرنا على لقمت العيش
......................يالي تدوّر بالرواتب زياده

أحداً من النعمه كروشه منافيش
.................واحداً رقد ما ذاق مطعوم زاده

وإن كنت طايش فانتبه من هل الطيش
.................وكبّر على ما قيل تحتك وساده

إن جاك محتاجاً فلا تسأله ليش
.................وان كنت سيد فالمخاليق ساده

ما حاشت العليا هل الجود بليّش
....................إلا بتصخير الدهر وانكباده

لابد مالدنيا تنوشك تناويش
......................اما نكد ولا تجيك بسعاده

وفكر من ألي يرفع الطير بالريش
...............إن عودت للريش مالريش فاده

سبحان من بمره تعيش الدراويش
.................الممّهل ولاهّمْلْ خبايث عباده

ما خذيت الراي من ناس صغار...!

ماخذيت الراي من ناس" صغار

ولاقعدت وقمت ادقق بالحريم

أضرب الدنيا على وضح النهار
عادتلي يالبناخي من قديم

أفتح البيبان وادخل كل دار
واترك الشباك مدخال الرخيم

الردي لو يدعي شباب نار
لايغرق بالسوالف يافهيم

حط نفسك في محيط الإنتظار
وإنتظر لا تدعيله بالكريم

قد سمعت البوم عقبله حرار
وقدتوصف لاش من فعله عديم

ليت ربي حط للتافه مسار
مايعيش مع العرب ولايقيم

راحت الدنيا شرار في شرار
دام فيها بس ورعان وحريم

مالوم هاجد ....!

مالوم هاجد يوم يفرح بفواز
ألي طلوعه فرحتي وانبساطي

*****
أربع أسنين وغيبته هم حزاز
لولا الغلا ماكان قلت متباطي

*****
واليوم يافواز ماعاد يعتاز
شفني من الفرحه بقمة نشاطي

*****
يامرحبابك ياعزيزن من أعزاز
ألي غيابه جرح ماهو يخاطي

*****
صحيح ماني للمخاليق معتاز
ولالي على لم القريب إشتراطي

*****
لكن وجودك بيننا حلم وانجاز
يزيد صفي قوة(ن) وارتباطي

*****
وإن عودت مابين عانز وعناز
فواز أساسي مايحط إحتياطي

إزرعيني بين رقصات الرموش ....!

إزرعيني بين رقصات الرموش
خلي عينك ما تشوف إلا انا

*****
وانقشي حبي على قلبك نقوش
دامني حسيت بفراقك دنا

*****
واعرفيني منجرح سوى بشوش
من يشوفه قال عايش في هنا

*****
مثل ما حبك على قلبي يكوش
لين صرتي من هو لحبي جنا

*****
واعذريني غيرتي دايم تهوش
عذبتني يا حياتي والمنا

*****
ودي إنه ما حد لجسمك ينوش
بس أنا ياعل غيري للفنا

*****
انت لا فارقتني فكري يطوش
وتصبح الأيام من بعدك عنا

*****
يا حياتي لا تهمشني هموش
مثل ما حطيت طيفك حط أنا

إن زعلتي تزعل الدنيا علي ...!

المدخل :

ليتك تجي للقلب حتى تشوفه
ألي علشانك برا الشوق حاويه
*****
وإسأل بعد بالي مايومن تطوفه
من تزعله إحروف شعري بترضيه





إن ضحكتي كنها تضحك شفاي
وإن زعلتي تزعل الدنيا علي

*****
الهنا لك ينتقل يصبح هناي
غير إرادي ما تحكم به يدي

*****
بإختصار أنتي عذابي يا غلاي
يعني تقدر بالجفا تكويني كي

*****
إن بغيتي لي زعل وألا رضاي
بس أمانه ترحميني لو شوي

*****
من فراقك يظلم بعيني فضاي
واتعذب وانت ما تدري بشي

*****
علميني كيف اعيش إبلا عناي
واطوي ايام العنا يا زين طي




المخرج :

يشهد علي ألي رفع سبع من فوق
والي جعل سبعن تحتنا عميقه

إنك غديت الذوق ياحالي الذوق
وإنك خذيت القلب وإنك رفيقه

يجرحني التاريخ ...!

يجرحني التاريخ في سرد الأحداث

لقيت صفحاته عذاب وغرابيل

******

مادام لي حظ(ن) مع الوقت غثاث

أسقاني السم المصفا مع الويل

******

يالله بوجهك كان للشر نفاث

ويالله دخيلك بالليال المقابيل

******

دنيا(ن) غدت ما بين زارع وحراث

وكل(ن)لقاله في زمانه محاصيل

******

وأنا الذي شفت الغثا ينكث إنكاث

مابين حردات القدم والزرافيل

******

دورت لي فيها مع الحظ مشباث

ابتشبث به مثل باقي الجيل

******

لاكن لقيت الوقت قاتل وعباث

وعبيت من همي بصدري براميل

******

ما كني إلا وارث الهم ميراث

عزاه يابن آدم على نطحت السيل

******

واليوم في غيب المقادير لباث

والقلب دقاته كما دبكة الخيل

******

ابرتجي من كان للخلق غواث

سبحانه المعبود منشي المخاييل

******

نامي على صدري ....!

نامي على صدري من الليل لليل

وأحطلك كفي ومتني وساده

نامي وانا بضم واضم بالحيل

وأخش في جوالهنا والسعاده

وامسح خدودك بالأنام ومنديل

هذا (هنا) قلبي وهذا عياده

نامي وشعرك ياااحياتي مسابيل

وخليني أفلفل شعرك بركاده

ابا تلذذ وإترك الحط والشيل

ماابيك تحمل هم وألا نكاده

ابشربك فنجال بنا" معه هيل

وشفاهك الدله وريحك مزاده

نامي على صدري من الليل لليل

خليت شوقي مع حناني وساده

انا معك في رحلة العمر ماشي ...!

أنا معك في رحلة العمر ماشي

من حيث ماودا طريقك بخاويك

*******

حرام ماقبل في غلاكم نقاشي

ختمت بالعشرين غالي ومغليك

*******

خليت لك كل الخفوق إفتراشي

إجلس تربع ياحياتي براضيك

*******

هذا الغلا وألا ياخلي بلاشي

لوهي تروح أيام عمري وأنا أرجيك

*******

محبتي لك ما دخلها غشاشي

تدري بأني عاشق بكل مافيك

*******

عشقي تعدا في حدوده وشاشي

ورسا السفينه في شواطي موانيك

*******

عليك يانور الحشا هم جاشي

متعلقن بك وين مارحت ياتيك

*******

خدك كما الياقوت في لون شاشي

جسمك عديمن لوبغينا نحليك

*******

بقضي معك يالحلم ليلة إفراشي

ألي لاجيت أنام مالقاك وادعيك

*******

متى على الله هالفراق يتلاشي

وأعيش في عالم غرامك وألاقيك

*******

هذا هو ألي بس زاد إنتعاشي

إن الأمل باقي وأعيشك وأهنيك

*******

لأجلك رميت الخوف خلفي طشاشي

مادامني بالروح والقلب شاريك

*********