أنا معك في رحلة العمر ماشي
من حيث ماودا طريقك بخاويك
*******
حرام ماقبل في غلاكم نقاشي
ختمت بالعشرين غالي ومغليك
*******
خليت لك كل الخفوق إفتراشي
إجلس تربع ياحياتي براضيك
*******
هذا الغلا وألا ياخلي بلاشي
لوهي تروح أيام عمري وأنا أرجيك
*******
محبتي لك ما دخلها غشاشي
تدري بأني عاشق بكل مافيك
*******
عشقي تعدا في حدوده وشاشي
ورسا السفينه في شواطي موانيك
*******
عليك يانور الحشا هم جاشي
متعلقن بك وين مارحت ياتيك
*******
خدك كما الياقوت في لون شاشي
جسمك عديمن لوبغينا نحليك
*******
بقضي معك يالحلم ليلة إفراشي
ألي لاجيت أنام مالقاك وادعيك
*******
متى على الله هالفراق يتلاشي
وأعيش في عالم غرامك وألاقيك
*******
هذا هو ألي بس زاد إنتعاشي
إن الأمل باقي وأعيشك وأهنيك
*******
لأجلك رميت الخوف خلفي طشاشي
مادامني بالروح والقلب شاريك
*********
0 التعليقات:
إرسال تعليق