إزرعيني بين رقصات الرموش ....!

إزرعيني بين رقصات الرموش
خلي عينك ما تشوف إلا انا

*****
وانقشي حبي على قلبك نقوش
دامني حسيت بفراقك دنا

*****
واعرفيني منجرح سوى بشوش
من يشوفه قال عايش في هنا

*****
مثل ما حبك على قلبي يكوش
لين صرتي من هو لحبي جنا

*****
واعذريني غيرتي دايم تهوش
عذبتني يا حياتي والمنا

*****
ودي إنه ما حد لجسمك ينوش
بس أنا ياعل غيري للفنا

*****
انت لا فارقتني فكري يطوش
وتصبح الأيام من بعدك عنا

*****
يا حياتي لا تهمشني هموش
مثل ما حطيت طيفك حط أنا